پنجاب اسکول ایجوکیشن ڈیپارٹمنٹ نے صوبے بھر کے سرکاری اور نجی اسکولوں کے لیے نئے قواعد کا اعلان کرتے ہوئے طلبہ پر موبائل فون کے استعمال پر مکمل پابندی لگا دی ہے۔ اے آر وائی نیوز کے مطابق یہ پابندی صوبے کے تمام اسکولوں پر یکساں طور پر نافذ ہوگی اور اس فیصلے کا مقصد تعلیمی ماحول کو بہتر بنانا اور طلبہ کی توجہ پڑھائی کی طرف زیادہ فوکس کرنا ہے۔ محکمے نے تمام ضلعی تعلیمی افسران کو سرکلر جاری کرتے ہوئے ہدایت کی ہے کہ اس پابندی پر فوری عملدرآمد یقینی بنایا جائے اور اسکول انتظامیہ اس بات کی سخت نگرانی کرے کہ کوئی بھی طالب علم کیمپس میں موبائل فون استعمال نہ کرے۔

محکمہ تعلیم نے یہ بھی واضح کیا ہے کہ موبائل فون کی پابندی کے ساتھ اسکولوں کو چاہیے کہ وہ طلبہ کو نصابی سرگرمیوں کے ساتھ ساتھ غیر نصابی پروگراموں میں بھی فعال حصہ لینے کی ترغیب دیں تاکہ بچوں کی شخصیت سازی، مہارتوں کی نشوونما اور تخلیقی صلاحیتوں کو فروغ دیا جا سکے۔ حکام کا کہنا ہے کہ جدید دور میں طلبہ کی توجہ موبائل فونز اور سوشل میڈیا کی طرف زیادہ ہو گئی ہے، جس سے نہ صرف پڑھائی متاثر ہوتی ہے بلکہ صحت، رویے اور سیکھنے کے عمل پر بھی منفی اثرات مرتب ہوتے ہیں، اسی لیے اس پابندی کو ضروری سمجھا گیا۔

یہ نوٹیفکیشن پنجاب اسمبلی سے منظور ہونے والی ایک تجویز کے بعد جاری کیا گیا، جو رکن پنجاب اسمبلی راحیلا خادم حسین کی جانب سے پیش کی گئی تھی۔ تجویز کو ایوان میں اکثریتی رائے سے منظور کیا گیا، جس کے بعد محکمہ تعلیم نے اس پر باضابطہ عملدرآمد کا فیصلہ کیا۔ صوبائی حکومت کا کہنا ہے کہ موبائل فون فری ماحول طلبہ کی تعلیمی کارکردگی بہتر بنانے میں اہم کردار ادا کرے گا اور یہ اقدام بچوں کی ذہنی و اخلاقی تربیت کے لیے بھی معاون ثابت ہ

وگا۔

Predict the future

You didn’t come this far to stop